ලෝකවාසී ජනතාව අතර සාමය, සහජීවනය සහ දයානුකම්පාව ව්යාප්ත කිරීමේ උදාර අරමුණ පෙරදැරි කරගත් සුවිශේෂී පා ගමනක නිරත භික්ෂූන් වහන්සේලා පිරිසක් ශ්රී ලංකාව බලා සිය ගමන ආරම්භ කර තිබේ. ඇමරිකාවේ ටෙක්සාස් ප්රාන්තයේ ඩලස් ෆෝර්ට් වර්ත් ජාත්යන්තර ගුවන්තොටුපළෙන් පිටත් වූ මෙම නියෝජිත පිරිස, බුදුදහමේ අගය ලොවට විදහා දක්වමින් අධ්යාත්මික සුවය ප්රාර්ථනා කරමින් මෙරටට වැඩම කරනු ලබයි.පූජ්ය ෆ්රා පොන්චායි කමියීම් (Phra Ponchai Khamyiam) භික්ෂූන් වහන්සේගේ නායකත්වයෙන් යුත් මෙම කණ්ඩායම, විවිධ රටවල් කරා වැඩම කරමින් මානුෂීය බැඳීම් ශක්තිමත් කිරීම උදෙසා කැපවී ක්රියා කරයි. මෙම ගමනේ ප්රධාන අරමුණ වන්නේ රටවල් සහ ජාතීන් අතර පවතින බෙදීම් දුරලා, බුදුන් වහන්සේ දේශනා කළ මෛත්රිය හා සමගිය පදනම් කරගත් ලෝකයක් බිහිකිරීම සඳහා මිනිස් සිත් සතන් තුළ සාමය වැපිරීමයි.මෙම ඓතිහාසික ගමන මෙරට සමාජයීය යහපතට මෙන්ම ප්රජාවන් අතර පවතින සබඳතා තවදුරටත් තහවුරු කිරීමට මනා පිටුවහලක් වනු ඇතැයි සංවිධායක මණ්ඩලය විශ්වාසය පළ කරයි. භික්ෂූන් වහන්සේලා රැගෙන එන මෙම උතුම් පණිවිඩය, ලක්වැසි ජනතාවගේ අභ්යන්තර සාමය වර්ධනය කිරීමටත්, පටු භේදවලින් තොර යහපත් සමාජයක් උදෙසා පෙළ ගැසීමටත් මහඟු ආශිර්වාදයක් වනු නොඅනුමානය.
ලෝක සාමය පතා ඇමරිකාවේ සිට ලක්දිවට වැඩම කරන සාමයේ පා ගමන
