අධිකරණ සේවා සහ විනිසුරුවරුන්ගේ විශ්රාම වයස දීර්ඝ කිරීමේ ව්යවස්ථා සංශෝධනවලට එළඹීමට ප්රථම, පුළුල් මහජන සහ පාර්ශ්වකරුවන්ගේ එකඟතාවක් ලබාගැනීම අත්යවශ්ය බව ශ්රී ලංකා කතෝලික රදගුරු සමුළුව පෙන්වා දෙයි. මෑතකදී අමාත්ය මණ්ඩලය විසින් ගනු ලැබූ අදාළ තීරණය හරහා පළපුරුදු විනිසුරුවරුන්ගේ සේවය තවදුරටත් රඳවා ගැනීමට, අධිකරණ නිලධාරීන්ගේ හිඟයට පිළියම් යෙදීමට සහ නඩු ප්රමාදයන් අවම කිරීමට අපේක්ෂා කරන බව ඔවුන් පිළිගනී.කෙසේ වෙතත්, මෙම සංශෝධන හුදු පරිපාලනමය තීරණවලින් ඔබ්බට ගොස් අධිකරණයේ ස්වාධීනත්වය තවදුරටත් තහවුරු කිරීමට දායක විය යුතු බව එම සමුළුව අවධාරණය කර සිටී. විධායකය, ව්යවස්ථාදායකය සහ අධිකරණය අතර නිසි බල තුලනයක් පවත්වා ගැනීම රටේ ප්රජාතන්ත්රවාදය වෙනුවෙන් අත්යවශ්ය සාධකයක් බව ද ඔවුන්ගේ නිවේදනයේ වැඩිදුරටත් දැක්වේ.එම නිසා, රටේ නීතියේ ආධිපත්යය, බලතල බෙදීමේ මූලධර්මය සහ පුරවැසියන්ගේ මූලික අයිතිවාසිකම් සුරක්ෂිත වන අයුරින් පමණක් මෙම ව්යවස්ථාමය වෙනස්කම් සිදුකළ යුතු බව කතෝලික රදගුරු සමුළුව තරයේ කියා සිටී.
විනිසුරු විශ්රාම වයස: පුළුල් සාකච්ඡාවක් අවශ්යයි – කතෝලික රදගුරු සමුළුව
