සමාජ මාධ්ය භාවිතය හේතුවෙන් තමන් දැඩි ලෙස ඇබ්බැහි වීමකට ලක්ව මානසික අවපීඩනය, කාංසාව සහ නින්ද නොයාම වැනි රෝගී තත්ත්වයන්ට මුහුණ දුන් බව පවසමින් බාලවයස්කරුවෙකු විසින් පවරන ලද නඩුවක් සමථයකට පත් කර ගැනීමට ගූගල් සමාගමට අයත් යූටියුබ් (YouTube) ආයතනය පියවර ගෙන තිබේ. ෆ්ලොරිඩා ප්රාන්තයේ පදිංචි 16 හැවිරිදි පිරිමි ළමයෙකු විසින් ගොනු කර තිබූ මෙම නඩුව සමථයකට පත් කරගත් කොන්දේසි රහසිගතව තබා ගැනීමට දෙපාර්ශවයම එකඟ වී ඇති අතර, දරුවන්ට ගැළපෙන ආරක්ෂිත මෙවලම් සහ දෙමාපිය පාලන අංග වැඩිදියුණු කිරීමට කටයුතු කරන බව ගූගල් සමාගම පවසයි.මෙම නඩුව යූටියුබ් ආයතනයට අමතරව මෙටා, ස්නැප්චැට් සහ ටික්ටොක් යන සමාජ මාධ්ය ජාලයන්ට එරෙහිව ද ගොනු කර තිබූ අතර, එම සෙසු සමාගම් තුනට අදාළ නඩු විභාගයන් එළඹෙන ජූලි මාසයේදී පැවැත්වීමට නියමිතව ඇත. සමාජ මාධ්ය වේදිකා හිතාමතාම ළමුන් ඇබ්බැහි වන සුළු අයුරින් නිර්මාණය කර ඇති බවටත්, ඔවුන්ගේ ආරක්ෂාව සම්බන්ධයෙන් ව්යාජ තොරතුරු සපයා ඇති බවටත් මෙම සමාගම්වලට ප්රධාන වශයෙන් චෝදනා එල්ල වී තිබේ.මේ වන විට කැලිෆෝනියා ප්රාන්ත අධිකරණවල පමණක් සමාජ මාධ්ය ජාලයන්හි මෙම ඇබ්බැහි කරවීමේ ස්වභාවයට එරෙහිව නඩු 3,300කට වඩා විභාග වෙමින් පවතී. මීට පෙර පසුගිය මාර්තු මාසයේදී නිමාවට පත් වූ මෙවැනිම නඩුවකදී, වන්දි වශයෙන් මෙටා සමාගමට ඩොලර් මිලියන 4.2ක් සහ ගූගල් සමාගමට ඩොලර් මිලියන 1.8ක් ගෙවන ලෙස අධිකරණය නියෝග කර තිබුණි.
ළමා මානසික සෞඛ්ය ගැටලුවලට අදාළ යූටියුබ් නඩුවක් සමථයකට
