අගෝස්තු මාසයේ උද්ධමනය 8% දක්වා ඉහළට

ජනලේඛන හා සංඛ්‍යාලේඛන දෙපාර්තමේන්තුව විසින් නිකුත් කර ඇති නවතම දත්ත වාර්තාවන්ට අනුව, මෙරට සමස්ත උද්ධමනය අගෝස්තු මාසයේදී ඉහළ යාමේ ප්‍රවණතාවක් පෙන්නුම් කර තිබේ. ඒ අනුව, පසුගිය ජූලි මාසයේදී 7.3%ක් ලෙස වාර්තා වූ සමස්ත උද්ධමන අගය, අගෝස්තු මාසය වන විට 8%ක් දක්වා ඉහළ ගොස් ඇති බව සඳහන් වේ.​මෙම උද්ධමන ඉහළ යාම කෙරෙහි ප්‍රධාන වශයෙන් බලපා ඇත්තේ ආහාර කාණ්ඩයේ මිල ගණන් ඉහළ යාමයි. ජූලි මාසයේදී 6.3%ක් ලෙස සටහන් වූ ආහාර උද්ධමනය, අගෝස්තු මාසයේදී 8.5%ක සැලකිය යුතු මට්ටමකට වර්ධනය වී තිබේ.​කෙසේ වෙතත්, ආහාර නොවන කාණ්ඩයේ උද්ධමනය සම්බන්ධයෙන් දැකිය හැක්කේ වෙනස් ප්‍රවණතාවකි. ජූලි මාසයේදී 7.8%ක් ලෙස පැවති ආහාර නොවන උද්ධමනය, අගෝස්තු මාසය තුළදී 7.7%ක අගයක් දක්වා මද වශයෙන් පහළ යෑමක් පෙන්වා දී ඇත.