ඇමරිකාව සහ ඉරානය අතර පැවති දෙසතියක සටන් විරාමය අදින් අවසන් වීමට නියමිතව තිබුණද, දෙරට අතර පවතින රාජ්ය තාන්ත්රික සාකච්ඡා අවසන් වන තෙක් එම කාලය තවදුරටත් දීර්ඝ කිරීමට ජනාධිපති ඩොනල්ඩ් ට්රම්ප් තීරණය කර තිබේ. මීට පෙර සටන් විරාමය අවසන් වූ වහාම ප්රහාර එල්ල කරන බවට දැඩි ස්ථාවරයක සිටි ඇමරිකානු පරිපාලනය, මේ වන විට සාමකාමී විසඳුමකට ඉඩ ලබා දෙමින් සිය තීරණය වෙනස් කර ඇත.මෙම තීරණාත්මක වෙනසට මුල් වී ඇත්තේ සාම සාකච්ඡා සඳහා මැදිහත්කරු ලෙස කටයුතු කරන පාකිස්තානය කළ විශේෂ ඉල්ලීමකි. පාකිස්තානු රජයේ ඉල්ලීමට සාධනීය ප්රතිචාර දක්වමින් ජනාධිපති ට්රම්ප් ප්රකාශ කර ඇත්තේ, කලාපීය ස්ථාවරත්වය උදෙසා සාකච්ඡා මාර්ගයෙන් ගැටලු විසඳා ගැනීමට අවස්ථාවක් ලබා දිය යුතු බවයි.ඒ අනුව, ඉරාන නායකයින් සහ ඔවුන්ගේ නියෝජිතයින් විසින් පිළිගත හැකි ඒකාබද්ධ යෝජනාවලියක් ඉදිරිපත් කරන තෙක් එල්ල කිරීමට සැලසුම් කර තිබූ සියලුම හමුදා ප්රහාර අත්හිටුවීමට ධවල මන්දිරය පියවර ගෙන තිබේ. මෙමඟින් දෙරට අතර පවතින යුදකාමී වාතාවරණය මදකට සමනය වී ඇති අතර, ලෝක ප්රජාවගේ අවධානය දැන් යොමුව ඇත්තේ ඉරානය ඉදිරිපත් කරන මීළඟ යෝජනාව දෙසටයි.
ඉරාන-ඇමරිකා ගැටුමට තාවකාලික විරාමයක්
