ලංකාවේ මාතෘ හා ළමා සෞඛ්ය ක්ෂේත්රය ඉහළ නැංවීමේ අරමුණින් සෞඛ්ය අමාත්යාංශය විසින් සංවිධානය කරනු ලබන ‘ත්රිත්ව තුරන් කිරීමේ’ (Triple Elimination) විශේෂ සෞඛ්ය වැඩපිළිවෙළ අද (01) සිට දිවයින පුරා නිල වශයෙන් ආරම්භ කර තිබේ. රට පුරා පිහිටි සියලුම මාතෘ සායන කේන්ද්ර කරගනිමින් ක්රියාත්මක වන මෙම ජාතික ව්යාපෘතිය, මෙරට මහජන සෞඛ්ය සේවාවේ සුවිශේෂී ඉදිරි පියවරක් ලෙස සැලකේ.නව වැඩපිළිවෙළ යටතේ ගර්භනී මව්වරුන් වෙනුවෙන් මේ දක්වා සාමාන්යයෙන් සිදුකළ HIV සහ සිෆිලිස් (Syphilis) රුධිර පරීක්ෂණවලට අමතරව, හෙපටයිටිස් B (Hepatitis B) වෛරස් පරීක්ෂණයද අනිවාර්ය අංගයක් ලෙස එක් කර ඇත. මෙමගින් අදාළ රෝගී තත්ත්වයන් මවගෙන් දරුවාට වැළඳීමේ අවදානම කල්තියා හඳුනාගෙන, අවශ්ය වෛද්ය ප්රතිකාර කඩිනමින් ලබාදීමට සෞඛ්ය අංශවලට අවස්ථාව හිමිවේ.අනාගත පරපුරේ නිරෝගීභාවය සුරක්ෂිත කිරීම වෙනුවෙන් දියත් කළ මෙම සායනික පරීක්ෂණ ක්රියාවලිය ඉදිරියටත් වඩාත් කාර්යක්ෂමව පවත්වාගෙන යාමට අදාළ ආයතන ඒකාබද්ධව කටයුතු කිරීමට නියමිතය. ජාතික මට්ටමින් මාතෘ හා ළමා සෞඛ්ය දර්ශක තවදුරටත් ඉහළ නංවමින්, ගුණාත්මක වෛද්ය සේවාවක් රටට දායාද කිරීම මෙහි ප්රධාන අපේක්ෂාවයි.
ගර්භනී මව්වරුන් වෙනුවෙන් ‘ත්රිත්ව තුරන් කිරීමේ’ ජාතික වැඩසටහන ඇරඹේ
