බාල ගල් අඟුරු ආනයනය කිරීම නිසා රජයට සිදුවූ දැවැන්ත මූල්ය පාඩුව පියවා ගැනීමට වත්මන් පාලනය දේශීය ව්යවසායකයන්ගෙන් “කප්පම්” ලබාගන්නා බවට විපක්ෂ නායක සජිත් ප්රේමදාස මහතා බරපතල චෝදනාවක් එල්ල කරයි. රජයේ දූෂිත ගනුදෙනු සහ අදූරදර්ශී තීරණවල ප්රතිඵලයක් ලෙස බලශක්ති ක්ෂේත්රය දැඩි අර්බුදයකට ඇද දමා ඇති බවත්, එම පාඩුව පියවා ගැනීමට සුළු හා මධ්ය පරිමාණ ව්යවසායකයන් ඉලක්ක කර ගනිමින් අත්තනෝමතික ලෙස මුදල් අයකර ගැනීම අතිශය අසාධාරණ බවත් ඔහු පෙන්වා දෙයි.මෙම අර්බුදයට සෘජුවම වගකිව යුතු පාර්ශවයන්ට එරෙහිව නීතිය ක්රියාත්මක කරනු වෙනුවට, රටේ ආර්ථිකයේ කොඳු නාරටිය බඳු ව්යාපාරික ප්රජාව බිය ගන්වා මුදල් සූරාකෑම රජයේ පාලන දුර්වලතාවය මැනවින් විදහා දක්වන බව විපක්ෂ නායකවරයා සඳහන් කළේය. මෙවැනි ක්රියාවන් හේතුවෙන් දැනටමත් පීඩාවට පත්ව සිටින දේශීය කර්මාන්ත සම්පූර්ණයෙන්ම කඩා වැටීමේ අවදානමක් පවතින බවටද ඔහු අනතුරු අඟවයි.රජය වහාම මෙම අත්තනෝමතික ක්රියාපටිපාටිය නවත්වා දූෂණයෙන් තොර, විනිවිදභාවයකින් යුත් ආර්ථික කළමනාකරණයක් ස්ථාපිත කළ යුතු බව සජිත් ප්රේමදාස මහතා වැඩිදුරටත් අවධාරණය කළේය. ජනතාව සහ ව්යවසායකයන් මත අනවශ්ය බර පැටවීම වෙනුවට, වගකීම් විරහිතව කටයුතු කළ නිලධාරීන්ට සහ දේශපාලනඥයන්ට එරෙහිව පියවර ගැනීම රජයේ වගකීම බව හෙතෙම කියා සිටියි.
බාල ගල් අඟුරු පාඩුව පියවන්න රජය ව්යවසායකයන් සූරාකනවා – සජිත් ප්රේමදාස
