වනවාසල දුම්රිය ස්ථානය ආසන්නයේදී සිදුවූ දුම්රිය පීලිපැනීමේ සිද්ධියට සෘජුවම සම්බන්ධ බවට සැකකෙරෙන පුද්ගලයෙකු ලබන 29 වනදා දක්වා රක්ෂිත බන්ධනාගාර ගත කිරීමට කොළඹ ප්රධාන මහේස්ත්රාත් අධිකරණය නියෝග කර තිබේ. දුම්රිය මාර්ගයේ අත්යවශ්ය යකඩ කොටස් ගලවා ඉවත් කිරීම හේතුවෙන් මෙම අනතුර සිදුව ඇති බව විමර්ශනවලදී අනාවරණය වී තිබූ අතර, ඒ පිළිබඳව පෑලියගොඩ පොලිසිය විසින් සිදුකළ මෙහෙයුමකදී මෙම සැකකරු අත්අඩංගුවට ගැනීමට හැකි විය.පොල්ගහවෙල සිට කළුතර බලා ධාවනය වෙමින් තිබූ මගී දුම්රියක් මෙලෙස වනවාසලදී දරුණු ලෙස පීලිපැනීමට ලක්වූ අතර, ඉන් අනතුරුව සිදුකළ තාක්ෂණික පරීක්ෂණවලදී හෙළිවුණේ මාර්ගයේ ආරක්ෂිත යකඩ කොටස් කිහිපයක් කිසියම් අයෙකු විසින් සොරකම් කර ඇති බවයි. මෙම අනතුර හේතුවෙන් දුම්රියේ එක් මැදිරියක් මාර්ගයෙන් ඉවතට පෙරළී ගොස් තිබූ අතර, දුම්රිය මාර්ගය අසල නවතා තිබූ මෝටර් රථයකට ද ඉන් දැඩි හානි සිදු විය.දුම්රිය මගීන්ගේ මෙන්ම පොදු දේපළවල ආරක්ෂාව බරපතළ තර්ජනයකට ලක් කරමින් සිදුකළ මෙම සාහසික සොරකම පිළිබඳව පෑලියගොඩ පොලිසිය අධිකරණයට කරුණු වාර්තා කළේය. ඉදිරිපත් වූ කරුණු සලකා බැලූ කොළඹ ප්රධාන මහේස්ත්රාත්වරයා, සිද්ධියට අදාළ වැඩිදුර විමර්ශන කටයුතු අවසන් වන තෙක් සැකකරු ලබන 29 වනදා දක්වා රිමාන්ඩ් භාරයේ තැබීමට නියෝග කළේය.
වනවාසල දුම්රිය අනතුරට හේතු වූ පීලි කොටස් ගැලවූ සැකකරු රක්ෂිත බන්ධනාගාරයට
