දිවයිනේ ප්රදේශ කිහිපයකට වැසි සහිත කාලගුණයක් වාර්තා වුවද, හෙට (22) දිනයේදී පළාත් රැසක උණුසුම් දර්ශකය “අවධානය යොමු කළ යුතු” මට්ටමක පවතින බව කාලගුණ විද්යා දෙපාර්තමේන්තුව පවසයි. විශේෂයෙන්ම උතුරු, උතුරු-මැද, වයඹ, බස්නාහිර, සබරගමුව, දකුණු සහ නැගෙනහිර පළාත්වලත්, මොණරාගල දිස්ත්රික්කයේත් ජනතාවට සාමාන්ය මට්ටමට වඩා වැඩි උණුසුමක් සිරුරට දැනෙනු ඇතැයි අපේක්ෂා කෙරේ.මෙම අධික උණුසුම් තත්ත්වය හේතුවෙන් සෞඛ්ය ගැටලු රැසක් මතු විය හැකි බවට බලධාරීන් අනතුරු අඟවයි. විශේෂයෙන් වැඩි වේලාවක් සෘජු සූර්යාලෝකයට නිරාවරණය වීමෙන් දැඩි තෙහෙට්ටුව සහ මස්පිඩු පෙරළීම වැනි අපහසුතා ඇති විය හැකිය. මේ නිසා එළිමහනේ වෙහෙසකර කටයුතුවල නිරත වන පුද්ගලයන් මේ පිළිබඳව දැඩි අවධානයෙන් පසුවීම අත්යවශ්ය වේ.පවතින උෂ්ණත්වය හමුවේ සිරුර ආරක්ෂා කර ගැනීම සඳහා ප්රමාණවත් පරිදි ජලය පානය කරන ලෙසත්, හැකි සෑම විටම සෙවණ ඇති ස්ථානවල විවේක ගන්නා ලෙසත් උපදෙස් කෙරේ. සෞඛ්යාරක්ෂිත පියවර අනුගමනය කරමින් දෛනික කටයුතු සැලසුම් කර ගැනීම මගින් උණුසුම නිසා ඇති වන අහිතකර බලපෑම් අවම කර ගත හැකි බව කාලගුණ විද්යා දෙපාර්තමේන්තුව වැඩිදුරටත් මතක් කර දෙයි.
වැසි වැටුණත් රස්නය එලෙසමයි: හෙටත් ප්රදේශ රැසකට දැඩි උණුසුම ගැන අනතුරු ඇඟවීමක්
