අධිකරණයේ විභාග වෙමින් පවතින නඩුවක විත්තිකරුවෙකු වී සිටීම හේතුවෙන්, පල්ලේගම හේමරතන හිමියන් දැරූ ප්රධාන ආගමික තනතුරු දෙකක කටයුතු වහාම ක්රියාත්මක වන පරිදි අත්හිටුවීමට මල්වතු මහා විහාරීය කාරක මහා සංඝ සභාව තීරණය කර ඇත. ඒ අනුව උන්වහන්සේ දැරූ මල්වතු පාර්ශ්වයේ නුවර කලාවියේ ප්රධාන සංඝ නායක පදවිය සහ අනුරාධපුර අටමස්ථානාධිපති ධුරය මෙලෙස තාවකාලිකව අත්හිටුවා තිබේ. මල්වතු මහා විහාරය විසින් නිල නිවේදනයක් නිකුත් කරමින් මේ බව තහවුරු කර ඇත.එම නිවේදනයේ සඳහන් වන්නේ පල්ලේගම හේමරතන හිමියන්ට එරෙහිව පවතින අධිකරණ ක්රියාමාර්ග සම්පූර්ණයෙන් අවසන් වී, ඒ පිළිබඳ අවසන් තීන්දුවක් ලැබෙන තෙක් මෙම තනතුරු අත්හිටුවීම බලපැවැත්වෙන බවයි. විනිවිදභාවය සහ ශාසනික ගෞරවය ආරක්ෂා කිරීම වෙනුවෙන් මහා සංඝ සභාව විසින් මෙම පියවර ගෙන තිබේ.මේ අතර, අටමස්ථානාධිපති ධුරයේ වැඩකටයුතු අඛණ්ඩව කරගෙන යාම සඳහා ආවරණ අනුප්රාප්තිකයෙකු ද පත් කර ඇත. ඒ අනුව, එම තනතුරේ රාජකාරී ආවරණය කිරීමේ වගකීම උතුරු මධ්යම දිසාවේ ප්රධාන සංඝනායක, රුවන්වැලි චෛත්යරාමාධිකාරි පූජ්ය ඊතලවැටුණුවැවේ ඤාණතිලක හිමිපාණන් වෙත පැවරීමට මල්වතු මහා විහාරය පියවර ගෙන තිබේ.
අටමස්ථානාධිපති පල්ලේගම හේමරතන හිමියන්ගේ තනතුරු තාවකාලිකව අත්හිටුවයි
