විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා අද සිට මැයි 15 වනදා දක්වා බෙලරූස් ජන රජයේ විශේෂ නිල සංචාරයක නිරත වේ. දෙරට අතර පවතින රාජ්ය තාන්ත්රික සබඳතා තවදුරටත් පුළුල් කිරීමේ අරමුණින් සිදු කෙරෙන මෙම සංචාරය තුළදී, ක්ෂේත්ර කිහිපයක් ඔස්සේ ද්විපාර්ශ්වික සහයෝගීතාව වර්ධනය කර ගැනීමට අපේක්ෂිතය. විශේෂයෙන්ම ගුවන් සේවා, උසස් අධ්යාපනය සහ සෞඛ්ය යන අංශවල ප්රගතිය උදෙසා වැදගත් එකඟතාවලට එළඹීම මෙම ගමනේ ප්රධාන අරමුණක් වී තිබේ.මෙම සංචාරය අතරතුරදී දෙරටේම ආර්ථික සහ සමාජීය ක්ෂේත්රවලට සෘජුව බලපාන සුවිශේෂී ගිවිසුම් කිහිපයකට අත්සන් තැබීමට නියමිත අතර ඒ සඳහා අමාත්ය මණ්ඩලයේ පූර්ණ අනුමැතිය හිමිව ඇත. ඒ අනුව නව ගුවන් සේවා ගිවිසුමක් මෙන්ම, අධ්යාපන සහ සෞඛ්ය සේවා දියුණු කිරීම සඳහා වන අවබෝධතා ගිවිසුම් දෙකක් ද මීට ඇතුළත් වේ. මෙම නව සබඳතා හරහා ශ්රී ලංකාව සහ බෙලරූස් රජය අතර මින් පෙර නොවූ විරූ සහයෝගීතාවයක ඇරඹුමක් සනිටුහන් වනු ඇතැයි විශ්වාස කෙරේ.
අමාත්ය විජිත හේරත් බෙලරූස් ජන රජයේ විශේෂ නිල සංචාරයක
