G7 සමුළුවට සමගාමීව ඉන්දීය අග්රාමාත්ය නරේන්ද්ර මෝදි මහතා සහ අමෙරිකානු ජනාධිපති ඩොනල්ඩ් ට්රම්ප් මහතා අතර පැවැති සාකච්ඡාවේදී, අමෙරිකානු ජනාධිපතිවරයා ඉන්දියාවේ නිල සංචාරයක නිරත වීමට එකඟතාව පළ කර තිබේ. දෙරට අතර පවතින උපායමාර්ගික සබඳතා තවදුරටත් ශක්තිමත් කර ගැනීම මෙම සංචාරයේ ප්රධාන අරමුණ බව සඳහන් වේ.මෑතකදී දෙරට අතර වෙළෙඳ ප්රතිපත්ති සහ තීරුබදු සම්බන්ධයෙන් මතුවූ ගැටලුකාරී තත්ත්වයන් හේතුවෙන් ද්විපාර්ශ්වික සබඳතාවල යම් පසුබෑමක් දක්නට ලැබුණි. එසේම, කලාපීය වශයෙන් සිදුවූ නොසන්සුන්කාරී සිදුවීම් කිහිපයක් ද දෙරට අතර රාජ්ය තාන්ත්රික මට්ටමින් සාකච්ඡා කළ යුතු කරුණු ලෙස ඉස්මතු වී ඇත.මෙම අර්බුදකාරී තත්ත්වයන් සමනය කර ගැනීම සඳහා දෙරටේ ඉහළ පෙළේ නිලධාරීන් ලබන සතියේදී නවදිල්ලි නුවරදී විශේෂ සාකච්ඡාවක නිරත වීමට නියමිතය. ජනාධිපති ට්රම්ප්ගේ ඉදිරි ඉන්දීය සංචාරයට පදනම සකසා ගැනීම සහ දෙරටේ අන්යෝන්ය එකඟතාවන් වර්ධනය කර ගැනීම මෙම නිලධාරී මට්ටමේ සාකච්ඡාවල අරමුණ වී තිබේ.
අමෙරිකානු ජනාධිපතිවරයා ඉන්දියාවේ සංචාරයකට සූදානම් වේ
