සිංහල හා දෙමළ අලුත් අවුරුදු සමය වෙනුවෙන් දිවයින පුරා දියත් කළ විශේෂ ආහාර සුරක්ෂිතතා මෙහෙයුමකදී සෞඛ්ය රීති උල්ලංඝනය කළ ආයතන 1,109කට එරෙහිව නීතිමය පියවර ගෙන තිබේ. ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපති කේ.ඒ.පී. බොරලැස්ස මහතා සඳහන් කළේ, අප්රේල් මස 01 වනදා සිට ක්රියාත්මක වූ මෙම වැඩසටහන සඳහා නිලධාරීන් 2,300කට අධික පිරිසක් සක්රීයව දායක වූ බවයි. උත්සව සමයේ ජනතාවට ගුණාත්මක ආහාර ලබාදීම සහතික කිරීම මෙම දැවැන්ත මෙහෙයුමේ ප්රධාන අරමුණ වී තිබුණි.අප්රේල් 16 වනදා දක්වා සිදුකළ ක්ෂේත්ර පරීක්ෂාවන්හිදී ආයතන 19,537ක් සෝදිසියට ලක් කර ඇති අතර, එහිදී වැටලීම් 1,963ක් සාර්ථකව සිදු කර ඇත. මෙම පරීක්ෂණවලදී මිනිස් පරිභෝජනයට නුසුදුසු බවට තහවුරු වූ ආහාර තොග 4,211ක් අත්අඩංගුවට ගත් අතර, ඉන් ආහාර සාම්පල 2,954ක් මහජන සෞඛ්යයට ඇති අවදානම සලකා එම ස්ථානයේදීම විනාශ කිරීමට පියවර ගෙන තිබේ. ප්රමිතියෙන් තොර ආහාර අලෙවි කළ සහ සෞඛ්යාරක්ෂිත ක්රමවේද බැහැර කළ වෙළඳසැල් වෙත මෙලෙස දැඩි ලෙස නීතිය ක්රියාත්මක විය.නිවාඩු සමය නිම වී ජනතාව යළි නගර කරා සංක්රමණය වන බැවින්, ආපනශාලා සහ වෙළඳසැල් පරීක්ෂා කිරීමේ මෙම විශේෂ වැඩපිළිවෙළ අඛණ්ඩව ඉදිරියට ගෙන යන බව සංගමයේ සභාපතිවරයා වැඩිදුරටත් අවධාරණය කළේය. පාරිභෝගික ජනතාව මේ පිළිබඳව අවධානයෙන් පසුවිය යුතු අතර, යම් හෙයකින් අහිතකර හෝ නුසුදුසු ආහාර අලෙවි කරන ස්ථානයක් නිරීක්ෂණය වුවහොත් ඒ පිළිබඳව වහාම ප්රදේශයේ මහජන සෞඛ්ය පරීක්ෂකවරයා දැනුවත් කරන ලෙස ද දන්වා සිටියි.
උත්සව සමයේ ආහාර වැටලීම් උණුසුම් වෙයි: ආයතන 1,109කට නඩු
