අද (23) අලුයම කොළඹ – ගාල්ල ප්රධාන මාර්ගයේ කළුතර, වෙට්ටුමකඩ ප්රදේශයේදී ලොරි රථයකින් ගල්කුඩු හැලීම හේතුවෙන් ගමනාගමනයට දැඩි බාධා එල්ල වී තිබේ. ධාවනය වෙමින් තිබූ ලොරි රථයක පිටුපස දොර විවෘත වීමෙන් මාර්ගයේ මීටර් 800ක පමණ දුරකට මෙම ගල්කුඩු විසිරී ඇති අතර, මේ හේතුවෙන් එම දිශාවට දිවෙන එක් මංතීරුවක් තාවකාලිකව වසා දැමීමට පොලිසිය පියවර ගෙන ඇත.මාර්ගය පුරා විසිරී ඇති ගල්කුඩු මතින් ගමන් කිරීමට උත්සාහ කළ යතුරුපැදි හතරක් ලිස්සා යාමෙන් අනතුරට ලක්ව ඇති බව කළුතර දකුණ පොලිසිය වාර්තා කරයි. අනාරක්ෂිත ලෙස ද්රව්ය ප්රවාහනය කිරීම නිසා සිදුවූ මෙම අවදානම් සහගත තත්ත්වය පාලනය කිරීමටත්, තවදුරටත් අනතුරු සිදුවීම වැළැක්වීමටත් වහාම ක්රියාත්මක වූ ආරක්ෂක අංශ අදාළ මංතීරුව අවහිර කර පිරිසිදු කිරීමේ කටයුතු ආරම්භ කර තිබේ.අපරික්ෂාකාරී ලෙස මෙම ගල්කුඩු තොගය ප්රවාහනය කළ ලොරි රථය සහ එහි රියදුරු මේ වන විට කළුතර දකුණ පොලිස් භාරයට ගෙන ඇත. මාර්ගය පිරිසිදු කර යථා තත්ත්වයට පත් කරන තෙක් එම ප්රදේශය හරහා ගමන් ගන්නා රියදුරන් දැඩි අවධානයෙන් සහ විකල්ප මංතීරු භාවිතා කරමින් ධාවනය කරන ලෙස ඉල්ලා සිටියි.
ගාලු පාරේ මංතීරුවක් වැසෙයි: ගල්කුඩු හැලී යතුරුපැදි අනතුරු රැසක්
