ශ්රී ලංකාව සතු දේශීය ඉන්ධන සහ ගෑස් සම්පත් නිසි ලෙස ප්රයෝජනයට ගැනීමට නොහැකි වී ඇත්තේ විවිධ කණ්ඩායම්වල බලපෑම් සහ බලශක්ති සුරක්ෂිතතාවට එරෙහිව ක්රියා කරන පාර්ශ්වයන් නිසා බව විපක්ෂ නායකවරයා පවසයි. ආචාර්ය චන්දිමා විජයගුණවර්ධන මහත්මියගේ නවතම කෘතියක් එළිදැක්වීමේ උත්සවයකට එක්වෙමින් ඒ මහතා පෙන්වා දුන්නේ, පසුගිය වසර කිහිපය තුළ මෙරට ආර්ථික සහ සමාජීය ක්ෂේත්රයන් දරුණු කඩාවැටීමකට ලක්ව ඇති බවයි.දේශීය බලශක්ති ක්ෂේත්රය විදේශීය බලපෑම්වලින් මුදාගෙන ස්වයංපෝෂිත කිරීමේ අවශ්යතාව මෙහිදී දැඩිව අවධාරණය කෙරිණි. ඇතැම් නව ලිබරල්වාදී හා අන්ත දක්ෂිණාංශික කණ්ඩායම් දේශීය සම්පත් පසෙකලා අධිරාජ්යවාදී වැඩපිළිවෙළවල් ක්රියාත්මක කිරීමට උත්සාහ කරන බවත්, මෙරට මුහුදු තීරයේ ඇති සම්පත් නිස්සාරණය කරගැනීමට පවතින බාධාවන් ඉවත් කළ යුතු බවත් ඒ මහතා වැඩිදුරටත් සඳහන් කළේය.සාම්ප්රදායික දේශපාලන රාමුවෙන් බැහැරව, රටේ ස්වාභාවික සම්පත් උපයෝගී කරගනිමින් ස්වයංපෝෂිත ආර්ථිකයක් ගොඩනැගීමට ඇති බාධා හඳුනාගත යුතු බව විපක්ෂ නායකවරයාගේ අදහසයි. බලශක්ති ප්රතිපත්ති සම්පාදනයේදී විදේශයන් මත යැපීම නවත්වා, දේශීය ඉන්ධන සහ ගෑස් නිධි නිසි පරිදි පරිහරණය කිරීම තුළින් රටේ අනාගත අර්බුදයන්ට විසඳුම් සෙවිය හැකි බවද මෙහිදී ප්රකාශ විය.
දේශීය තෙල් සහ ගෑස් සම්පත්වලට එරෙහි බලපෑම් ගැන විපක්ෂ නායකයාගෙන් හෙළිදරව්වක්
