පෘථිවියට සමාන ලක්ෂණවලින් යුතු පාෂාණමය ග්රහලොවක් වටා වායුගෝලයක් පැවතීම පිළිබඳ තොරතුරු විද්යාඥයින් විසින් අනාවරණය කරගෙන තිබේ. සෞරග්රහ මණ්ඩලයෙන් පිටත පවතින මෙවැනි ග්රහලෝකවල ජීවය පැවතීමට අවශ්ය හිතකර පසුබිමක් තිබිය හැකි බවට මෙතෙක් ලැබුණු ප්රබලතම විද්යාත්මක සාක්ෂිය ලෙස මෙම සොයාගැනීම සැලකේ.පර්යේෂකයන් විසින් සිදුකළ නිරීක්ෂණවලදී අදාළ ග්රහලෝකය වටා හීලියම් වායුව පවතින බව තහවුරු කරගෙන ඇත. හීලියම් වායුව සෘජුවම ජීවයට උපකාරී නොවුණත්, එම වායු ස්ථරය යටතේ වඩාත් සංකීර්ණ වායුගෝලීය සංයුතීන් පැවතීමට ඉඩකඩ ඇති බව විද්යාඥයින්ගේ අදහසයි. අපගේ සූර්යයාට වඩා ප්රමාණයෙන් කුඩා සහ සිසිල් ‘රතු වාමන තරුවක්’ වටා කක්ෂගත වී ඇති මෙම ග්රහලොව පෘථිවියේ සිට ආලෝක වර්ෂ 48ක දුරකින් පිහිටා තිබේ.මෙම සොයාගැනීම විශ්වය තුළ පෘථිවියට සමාන වෙනත් ලෝක ගවේෂණය කිරීමේ ක්රියාවලියේ තීරණාත්මක හැරවුම් ලක්ෂ්යයක් ලෙස විද්යා ලෝකය හඳුන්වයි. ඉදිරියේදී සිදුකරන වැඩිදුර පර්යේෂණ මගින් මෙම ග්රහලොවේ ස්වභාවය සහ එහි පැවතිය හැකි වෙනත් වායුගෝලීය සංයුතීන් පිළිබඳව වඩාත් නිවැරදි තොරතුරු අනාවරණය කර ගැනීමට අපේක්ෂා කෙරේ.
පෘථිවියට සමාන ග්රහලොවක වායුගෝලයක් හඳුනාගනී
