මැදපෙරදිග කලාපයේ පවතින නොසන්සුන්කාරී තත්ත්වය හේතුවෙන් තාවකාලිකව නතර වී තිබූ බොරතෙල් ප්රවාහනය යළි ආරම්භ කරමින්, මාස කිහිපයකට පසු පළමු බොරතෙල් නැව අද (17) කොළඹ වරායට සේන්දු වීමට නියමිතය. එක්සත් අරාබි එමීර් රාජ්යයේ සිට පැමිණෙන මෙම නෞකාව බොරතෙල් මෙට්රික් ටොන් 97,500ක තොගයක් මෙරටට රැගෙන එයි. යුදමය වාතාවරණය මධ්යයේ වුවද ආරක්ෂිතව මෙම ඉන්ධන තොගය ගෙන්වා ගැනීමට හැකි වීම විශේෂත්වයකි.පවතින ඉන්ධන තොග පිළිබඳව අදහස් දක්වමින් කළමනාකාර අධ්යක්ෂ මයුර නෙත්තිකුමාරගේ මහතා සඳහන් කළේ, එළඹෙන ජූනි මාසයේ මැද භාගය දක්වා මෙරටට අවශ්ය ඉන්ධන ප්රමාණය මේ වන විටත් සුරක්ෂිතව ගබඩා කර ඇති බවයි. එබැවින් ඉදිරි කාලසීමාව තුළ රට තුළ ඉන්ධන හිඟයක් ඇති වීමේ අවදානමක් නොමැති බව ඔහු සහතික කර සිටියි. මෙම නව බොරතෙල් තොගයත් සමඟ දේශීය පිරිපහදු කටයුතු ද වඩාත් කාර්යක්ෂමව ඉදිරියට ගෙන යාමට හැකි වනු ඇත.මීට අමතරව, බලශක්ති අවශ්යතා සපුරා ගැනීම සඳහා ඇමරිකා එක්සත් ජනපදයෙන් ඇණවුම් කරන ලද තවත් බොරතෙල් නැවක් මැයි මස මුලදී දිවයිනට ළඟා වීමට නියමිත බව වාර්තා වේ. විවිධ රටවලින් ඉන්ධන ආනයනය කිරීම හරහා බලශක්ති සුරක්ෂිතතාව තහවුරු කිරීමට බලධාරීන් පියවර ගෙන ඇත. ඒ අනුව ඉදිරි මාස කිහිපය තුළ මෙරට පිරිපහදු මධ්යස්ථාන අඛණ්ඩව ක්රියාත්මක කිරීමට අවශ්ය බොරතෙල් සංචිත සහතික කර තිබේ.
බොරතෙල් මෙට්රික් ටොන් 97,500ක් රැගත් පළමු නැව අද කොළඹට
