ශ්රී ලංකා නීතිඥ සංගමය විසින් විනිසුරුවරුන්ගේ විශ්රාම වයස දීර්ඝ කිරීමට යෝජිත ව්යවස්ථා සංශෝධනයෙන් වැළකී සිටින ලෙස ජනාධිපති අනුර කුමාර දිසානායක මහතාගෙන් නිල වශයෙන් ඉල්ලා තිබේ. ජනාධිපති කාර්යාලයේ පැවති මෙම හමුව සඳහා නීතිඥ සංගමයේ සභාපති රජීව් අමරසූරිය මහතා ඇතුළු නිලධාරීන් පිරිසක් සහභාගී වූ අතර, අධිකරණ අමාත්ය හර්ෂණ නානායක්කාර මෙන්ම ජනාධිපති නීති උපදේශක ජේ.එම්. විජේබණ්ඩාර යන මහත්වරුන් ද ඊට එක්වී ඇත.මෙම යෝජිත සංශෝධනය ක්රියාත්මක වීමෙන් අධිකරණයේ ස්වාධීනත්වයට දැඩි බලපෑම් එල්ල විය හැකි බව නීතිඥ සංගමය පෙන්වා දී තිබේ. විශේෂයෙන්ම රාජ්ය සේවයේ අනෙකුත් සේවා කාල දීර්ඝ කිරීම් මෙන් නොව, ප්රජාතන්ත්රවාදයේ මූලික කුළුණක් වන අධිකරණ ක්ෂේත්රයේ සේවා කාලය දීර්ඝ කිරීම වෙනස් ආකාරයකින් සැලකිය යුතු බව ජ්යෙෂ්ඨ මහාචාර්ය සාවිත්රී ගුණසේකර මහත්මිය මෙහිදී වැඩිදුරටත් අවධාරණය කර ඇත.මේ සම්බන්ධයෙන් රජයේ ස්ථාවරය ඉදිරිපත් වුවද, නීතිඥ සංගමය යෝජනා කර ඇත්තේ අදාළ පාර්ශ්වකරුවන් සහ නීතිඥවරුන් සම්බන්ධ කර ගනිමින් පුළුල් උපදේශන ක්රියාවලියක් ක්රියාත්මක කරන ලෙසයි. එසේම, මෙම වැදගත් කාරණය පාර්ලිමේන්තු විශේෂ කාරක සභාවක් වෙත යොමු කරන ලෙස ද ඔවුන් ජනාධිපතිවරයාගෙන් ඉල්ලා සිටියේය.
විනිසුරුවරුන්ගේ විශ්රාම වයස දීර්ඝ කිරීමේ යෝජනාව අත්හරින ලෙස නීතිඥ සංගමයෙන් ඉල්ලීමක්
