ශ්රී ලංකාවේ පාරිසරික සුරක්ෂිතතාව තහවුරු කිරීම උදෙසා දශක දෙකකට අධික කාලයක් පැවති ජාතික පාරිසරික පනත සංශෝධනය කිරීමට වත්මන් රජය පියවර ගෙන තිබේ. පරිසර අමාත්ය වෛද්ය ධම්මික පටබැඳි මහතා සඳහන් කළේ, වර්තමාන ලෝකයට ගැළපෙන අයුරින් සකස් කළ මෙම නව කෙටුම්පත පසුගිය අප්රේල් මස ගැසට් කිරීමෙන් අනතුරුව මැයි 06 වනදා පාර්ලිමේන්තුවට ඉදිරිපත් කළ බවයි. කාලීන අවශ්යතාවයන්ට අනුකූලව සිදුකළ මෙම ප්රතිසංස්කරණය මෙරට සොබාදහම ආරක්ෂා කිරීමේ නීතිමය රාමුව වඩාත් ශක්තිමත් කරනු ඇතැයි අපේක්ෂා කෙරේ.පනත් සංශෝධනයට සමගාමීව, මෙරට වනජීවී සම්පත රැකගැනීමේ අරමුණින් ශ්රී ලංකාව “ජාත්යන්තර විසල් බිළාල සංගමයේ” (International Big Cat Alliance) නිල සාමාජිකත්වය ද ලබාගෙන තිබේ. ඉන්දියාවේ මූලිකත්වයෙන් ක්රියාත්මක වන මෙම වැඩපිළිවෙළෙහි ප්රධානතම අරමුණ වන්නේ ලොව වඳවී යාමේ අවදානමට ලක්ව ඇති සිංහයන්, දිවියන් සහ කොටියන් ඇතුළු ප්රධාන බළල් විශේෂ හතක් සංරක්ෂණය කිරීමයි. මෙම ගෝලීය සන්ධානය සමඟ එක්වීම මෙරට ස්වභාවික උරුමයන් සුරැකීම සඳහා තැබූ වැදගත් පියවරක් ලෙස සැලකේ.මෙම ජාත්යන්තර සාමාජිකත්වය හරහා ශ්රී ලංකාවට ආවේණික වූ දිවියා (Sri Lankan Leopard) සංරක්ෂණය කිරීමට නව තාක්ෂණික දැනුම සහ ජාත්යන්තර සහයෝගය නොමඳව හිමිවනු ඇත. අමාත්යවරයා අවධාරණය කළේ ගෝලීය වශයෙන් ක්රියාත්මක වන මෙවැනි සංරක්ෂණ වැඩසටහන් සමඟ එක්වීම තුළින් මෙරට ජෛව විවිධත්වය අනාගත පරපුර උදෙසා සුරක්ෂිත කිරීමට විශාල පිටුවහලක් ලැබෙන බවයි. මෙම තීරණය ශ්රී ලංකාවේ වනජීවී සංචාරක ක්ෂේත්රයේ ප්රගමනයට ද ධනාත්මක බලපෑමක් එල්ල කරනු ඇත.
ශ්රී ලංකාවේ පාරිසරික නීති පද්ධතියට වසර 26කට පසු ඓතිහාසික වෙනසක්
