2019 වසරේ සිදු වූ පාස්කු ඉරුදින ත්රස්ත ප්රහාර මාලාව සම්බන්ධ විමර්ශනවල සුවිශේෂී ප්රගතියක් සලකුණු කරමින්, රාජ්ය බුද්ධි සේවයේ (SIS) හිටපු ප්රධානී සුරේෂ් සලේ මහතාව අද දින කොළඹ කොටුව මහේස්ත්රාත් අධිකරණය වෙත ඉදිරිපත් කර තිබේ. ත්රස්තවාදය වැළැක්වීමේ පනත (PTA) යටතේ අපරාධ පරීක්ෂණ දෙපාර්තමේන්තුව (CID) භාරයේ රඳවාගෙන සිටි ඒ මහතාව අධිකරණයට රැගෙන ආවේ විශේෂ ආරක්ෂක විධිවිධාන මධ්යයේය.මෙම සැකකරුගෙන් ප්රහාරයට අදාළ සැලසුම් සහගත ජාලයන්, මූල්ය අනුග්රහය දැක්වීම් මෙන්ම බුද්ධි තොරතුරු වසන් කිරීම ඇතුළු බරපතළ චෝදනා රැසක් සම්බන්ධයෙන් අපරාධ පරීක්ෂණ දෙපාර්තමේන්තුවේ විශේෂ නිලධාරීන් කණ්ඩායමක් විසින් දීර්ඝ ලෙස ප්රකාශ සටහන් කරගෙන ඇත. ඒ අනුව, විමර්ශනවල වත්මන් ප්රගතිය ඇතුළත් රහස්ය වාර්තාවක් ද අද දින CID නිලධාරීන් විසින් අධිකරණයට ඉදිරිපත් කිරීමට නියමිතව තිබුණි.හිටපු බුද්ධි ප්රධානියා අධිකරණයට ඉදිරිපත් කිරීමත් සමඟ කොළඹ කොටුව අධිකරණ සංකීර්ණය අවට පොලිසිය සහ විශේෂ කාර්ය බලකාය (STF) යොදවා දැඩි ආරක්ෂාවක් සපයා තිබූ බව වාර්තා වේ. මෙම නඩු විභාගය සහ ඊට අදාළව ඉදිරියේදී ලැබීමට නියමිත අධිකරණ නියෝග කෙරෙහි සමස්ත දේශපාලන හා ආරක්ෂක ක්ෂේත්රයේම දැඩි අවධානයක් යොමුව තිබේ.
හිටපු බුද්ධි ප්රධානී සුරේෂ් සලේ අධිකරණයට
