ලෝක බලශක්ති වෙළඳාමේ මර්මස්ථානයක් බඳු හෝර්මුස් සමුද්ර සන්ධිය යළි විවෘත කිරීම වෙනුවෙන් ඉරානය ඉදිරිපත් කළ නව යෝජනාව ඇමරිකානු ජනාධිපති ඩොනල්ඩ් ට්රම්ප් විසින් ප්රතික්ෂේප කර තිබේ. ඉරානයට පනවා ඇති දැඩි ආර්ථික සම්බාධක ඉවත් කිරීමේ කොන්දේසිය මත මෙම උපායමාර්ගික මුහුදු මාර්ගය විවෘත කිරීමට ඉරානය කැමැත්ත පළ කළද, ඇමරිකාව එය පිළි නොගැනීමත් සමඟ දෙරට අතර පවතින රාජ්ය තාන්ත්රික නොසන්සුන්තාව තවදුරටත් උත්සන්න වී ඇත.පසුගිය සති කිහිපය තුළ දෙපාර්ශවය අතර පැවති ගැටුම්කාරී ස්වභාවය යම් මට්ටමකට සමනය වී ඇති බව ඉරාන ජ්යෙෂ්ඨ නිලධාරීන් පෙන්වා දුන්නද, ස්ථිර එකඟතාවයකට පැමිණීමට මෙතෙක් හැකියාවක් ලැබී නොමැත. ලෝක තෙල් සැපයුමෙන් විශාල ප්රතිශතයක් ගමන් කරන මෙම කලාපය තුළ පවතින අවිනිශ්චිතතාව ජාත්යන්තර බලශක්ති වෙළඳපොළ කෙරෙහිද සෘජු බලපෑමක් එල්ල කරමින් පවතී.රොයිටර් පුවත් සේවය වාර්තා කරන පරිදි, මෙම නවතම තීරණයත් සමඟ ගෝලීය අවධානය යොමුව ඇත්තේ ඉදිරියේදී මැදපෙරදිග කලාපයේ ආරක්ෂාව සහ තෙල් මිල කෙරෙහි ඇතිවිය හැකි බලපෑම පිළිබඳවයි. සම්බාධක ඉවත් කරගැනීමට ඉරානය දරන උත්සාහය සහ ඇමරිකාවේ දැඩි පිළිවෙත හේතුවෙන් මෙම අර්බුදය තවදුරටත් දිග්ගැස්සෙන ලකුණු පෙනෙන්නට තිබේ.
හෝමූස් සමුද්ර සන්ධිය විවෘත කිරීමේ ඉරාන යෝජනාව ට්රම්ප් ඉවත දමයි
