ඕස්ට්රේලියානු ජාතික ව්යාපාරිකයකු සතු සමාගම් කොටස් ව්යාජ ඇටෝනි බලපත්රයක් උපයෝගී කරගනිමින් සාවද්ය ලෙස පරිහරණය කළ බවට හිටපු අමාත්ය උදය ගම්මන්පිල මහතාට එරෙහිව පවරා ඇති නඩුව, වැඩිදුර විභාගය සඳහා ලබන ජූනි මස 11 වනදා යළි කැඳවීමට කොළඹ මහාධිකරණය අද (08) තීරණය කළේය. මහාධිකරණ විනිසුරු නදී අපර්ණා සුවඳුරුගොඩ මහත්මිය ඉදිරියේ අද දින මෙම නඩුව කැඳවනු ලැබූ අතර, එහිදී විත්තිකාර ගම්මන්පිල මහතා සාක්ෂි කූඩුවේ සිට සිය සාක්ෂි ලබාදීම සිදු කළේය.මෙම නඩුවට පදනම් වී ඇත්තේ ඕස්ට්රේලියානු ජාතික බ්රයන් ෂැඩික් මහතාට අයත් සමාගම් කොටස් සම්බන්ධයෙන් සිදුවූ බව කියන මූල්ය අවභාවිතයකි. පසුගිය යහපාලන රජය සමයේදී නීතිපතිවරයා විසින් පවරනු ලැබූ මෙම නඩුවේ සාක්ෂි විමසීම අද දින අවසන් වීමෙන් පසුව, ඉදිරි විභාග කටයුතු ජූනි 11 වනදා දක්වා කල් තැබීමට විනිසුරුවරිය නියෝග කළාය. විත්තිකාර පාර්ශවයේ සාක්ෂි මෙහෙයවීම සම්බන්ධයෙන් මෙදින වැඩිදුර අවධානය යොමු කිරීමට නියමිතය.
උදය ගම්මන්පිලගේ ව්යාජ ඇටෝනි බලපත්ර නඩුව ජූනි මාසයට කල් යයි
