පාරිභෝගික කටයුතු පිළිබඳ අධිකාරිය මඟින් පනවා තිබූ උපරිම සිල්ලර මිල ඉක්මවා මිලිමීටර් 500 පානීය ජල බෝතලයක් රුපියල් 100 කට අළෙවි කිරීම හේතුවෙන් හෝමාගම, ගලවිලවත්ත ප්රදේශයේ ආපනශාලා හිමිකරුවෙකුට රුපියල් 500,000 ක දඩයක් නියම කර ඇත. පාරිභෝගික අධිකාරියේ විමර්ශන නිලධාරීන් විසින් හෝමාගම මහේස්ත්රාත් අධිකාරිය හමුවේ මෙම නඩුව පවරා තිබූ අතර, සැකකාර සමාගම සැප්තැම්බර් 10 වන දින අධිකාරිය හමුවේ වරද පිළිගැනීමෙන් අනතුරුව මහේස්ත්රාත්වරයා විසින් මෙම දඩ මුදල නියම කරන ලදී. මෙම වැටලීම සිදු කරන අවස්ථාවේ අදාළ 2430/15 දරන අති විශේෂ ගැසට් පත්රයට අනුව මිලිමීටර් 500 ක පානීය ජල බෝතලයක නියමිත උපරිම සිල්ලර මිල රුපියල් 70 ක් වූ අතර, එය වැඩි මිලට අළෙවි කිරීම මෙම නඩුවට හේතු වී ඇත.මේ අතර, 2026 ජුනි 10 දිනැති අංක 2492/29 දරන අතිවිශේෂ ගැසට් පත්රයේ 96 වන නියෝගයට අනුව දේශීය වශයෙන් බෝතල් කරන ලද පානීය ජලය සඳහා වර්තමානයේ ක්රියාත්මක වන උපරිම සිල්ලර මිල ගණන් මෙසේය: මිලිලීටර් 500 සිට 999 දක්වා රුපියල් 80 ක් ද, ලීටර් 1 සිට 1.499 දක්වා රුපියල් 120 ක් ද, ලීටර් 1.5 සිට 1.999 දක්වා රුපියල් 150 ක් ද, ලීටර් 2 සිට 2.499 දක්වා රුපියල් 180 ක් ද, ලීටර් 5 සිට 6.999 දක්වා රුපියල් 400 ක් ද වේ. යම් ව්යාපාරිකයෙක් නියමිත උපරිම සිල්ලර මිලට වඩා වැඩි මිලට බෝතල් කළ ජලය හෝ වෙනත් භාණ්ඩ අළෙවි කරන්නේ නම්, ඒ පිළිබඳව කාර්යාල වේලාවන් තුළ 1977 යන ක්ෂණික ඇමතුම් අංකය හරහා පාරිභෝගික කටයුතු පිළිබඳ අධිකාරියට දැනුම් දෙන ලෙස මහජනතාවගෙන් ඉල්ලා සිටී.
උපරිම සිල්ලර මිලට වඩා වැඩි මිලට බෝතල් කළ ජලය අළෙවි කළ හෝමාගම ආපනශාලාවකට රුපියල් ලක්ෂයක දඩයක්
