පසුගිය වසර හතරක කාලය තුළ ශ්රී ලංකාවේ විශේෂඥ වෛද්යවරුන් සහ වෛද්යවරුන් දහසකට අධික පිරිසක් විදේශගත වී ඇති බව ජාතික වෘත්තීය හා සිවිල් පෙරමුණේ සභාපති විශේෂඥ වෛද්ය චමල් සංජීව මහතා පවසයි. තවත් වෛද්යවරුන් සැලකිය යුතු සංඛ්යාවක් ඉදිරියේදී රට හැරයෑමේ සූදානමකින් පසුවන බවද ඔහු පෙන්වා දෙයි. මෙම දැඩි වෛද්ය හිඟය හේතුවෙන් දිවයිනේ ප්රධාන මෙන්ම ග්රාමීය රෝහල්වලද සෞඛ්ය සේවාවන් අඛණ්ඩව පවත්වාගෙන යාම ඉදිරියේදී බරපතළ අභියෝගයක් වනු ඇතැයි ඒ මහතා අනතුරු අඟවයි.මෙලෙස මෙරටින් පිටත්ව ගොස් ඇත්තේ වසර ගණනාවක පළපුරුද්දක් සහිත නිර්වින්දන වෛද්යවරුන්, ශල්ය වෛද්යවරුන් මෙන්ම විදේශීය වෛද්ය විභාග සමත් වූ තරුණ වෛද්යවරුන්ය. වෘත්තිකයන්ගේ මෙම ශීඝ්ර සංක්රමණය හේතුවෙන් මෙරට සෞඛ්ය පද්ධතිය තුළ විශාල හිස්තැනක් නිර්මාණය වී තිබේ. එහි සෘජු ප්රතිඵලයක් ලෙස දැනට රෝහල්වල ඉතිරිව සිටින සීමිත වෛද්යවරුන් පිරිසට දෛනික රාජකාරි කටයුතු නිම කිරීම සඳහා දැඩි සේ වෙහෙසීමට සිදුව ඇත.ක්ෂේත්රය තුළ පවතින මෙම බරපතළ තත්ත්වය හේතුවෙන් වෛද්යවරුන් මත පැටවී ඇති සේවා බර අධික වී ඇති බව චමල් සංජීව මහතා වැඩිදුරටත් අවධාරණය කරයි. මේ හරහා රෝගී සත්කාරක සේවාවල ගුණාත්මකභාවයට මෙන්ම සමස්ත රෝහල් පාලන පද්ධතියටම ඉදිරියේදී සෘජු බලපෑම් එල්ල විය හැකි බැවින් බලධාරීන්ගේ කඩිනම් අවධානය මීට යොමුවිය යුතුව ඇත.
වෛද්යවරුන් දහසකට වැඩි පිරිසක් රට හැර යයි: සෞඛ්ය ක්ෂේත්රය දැඩි අර්බුදයක
