අද දිනයේ දිවයිනේ බොහෝ ප්රදේශවලට පස්වරු 1.00 න් පමණ පසුව වැසි හෝ ගිගුරුම් සහිත වැසි වර්ධනය විය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් බස්නාහිර, සබරගමුව, මධ්යම, ඌව සහ දකුණු පළාත්වලත්, මඩකලපුව හා අම්පාර දිස්ත්රික්කවලත් ඇතැම් ස්ථානවලට මි.මී. 75 ඉක්මවූ තද වැසි ඇතිවීමේ හැකියාවක් පවතී. මීට අමතරව, මඩකලපුව, අම්පාර සහ හම්බන්තොට යන ප්රදේශවලට උදෑසන කාලයේදී ද වැසි අපේක්ෂා කළ හැකිය.පවතින වැසි තත්ත්වයත් සමඟ මධ්යම, සබරගමුව, උතුරු-මැද සහ ඌව පළාත් මෙන්ම වවුනියාව සහ කුරුණෑගල දිස්ත්රික්කවල අලුයම් කාලයේදී මීදුම් සහිත තත්ත්වයක් දක්නට ලැබෙනු ඇත. ගිගුරුම් සහිත වැසි පවතින අවස්ථාවලදී තාවකාලිකව ඇතිවන තද සුළං හේතුවෙන් සිදුවිය හැකි අනතුරු පිළිබඳව අවධානයෙන් පසුවීම වැදගත් වේ.අකුණු අනතුරු අවම කරගැනීම සඳහා අවශ්ය පූර්ව ආරක්ෂිත පියවර අනුගමනය කරන ලෙස කාලගුණ අංශ ජනතාවගෙන් කාරුණිකව ඉල්ලා සිටී. එළිමහන් ස්ථානවල රැඳී සිටීමෙන් වැළකී සිටීම සහ විදුලි උපකරණ භාවිතයේදී වඩාත් සැලකිලිමත් වීම මගින් සිදුවිය හැකි හානි වළක්වා ගත හැකිය.
අද දහවලින් පසු දිවයිනට තද වැසි
