අද දිනයේ දිවයිනේ බොහෝ ප්රදේශවලට පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි. විශේෂයෙන්ම බස්නාහිර, සබරගමුව, මධ්යම, වයඹ, උතුරු-මැද සහ දකුණු පළාත්වලත්, මන්නාරම දිස්ත්රික්කයේත් ඇතැම් ස්ථානවලට මි.මී. 75 ඉක්මවූ තද වැසි ඇතිවිය හැකිය. මීට අමතරව, දකුණු පළාතේ සහ අම්පාර දිස්ත්රික්කයේ උදෑසන කාලයේදීත් වැසි ඇතිවීමේ හැකියාවක් පවතී.වායුගෝලීය තත්ත්වයන් මත මධ්යම, සබරගමුව සහ ඌව පළාත් ඇතුළුව අනුරාධපුර සහ කුරුණෑගල දිස්ත්රික්කවල අළුයම් කාලයේදී මීදුම් සහිත කාලගුණයක් අපේක්ෂා කළ හැක. මේ හේතුවෙන් රියදුරන් සහ මාර්ග භාවිතා කරන්නන් අවදානයෙන් පසුවීම වැදගත් වේ.ගිගුරුම් සහිත වැසි පවතින අවස්ථාවලදී තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් කාරුණිකව ඉල්ලා සිටියි. විශේෂයෙන්ම එළිමහන් ස්ථානවල රැඳී සිටීමෙන් වැළකී ආරක්ෂිත ස්ථාන කරා යොමුවීම මෙවැනි අවස්ථාවලදී ඉතා වැදගත් වේ.
අද පස්වරුවේ දිවයිනට තද වැසි
