ජාතික ඉන්ධන බලපත්ර (QR) ක්රමවේදය ඉදිරියටත් අඛණ්ඩව ක්රියාත්මක කිරීමට රජය තීරණය කර තිබේ. පාර්ලිමේන්තුවේදී අද (19) විශේෂ ප්රකාශයක් කරමින් අමාත්ය ආචාර්ය අනිල් ජයන්ත ප්රනාන්දු මහතා සඳහන් කළේ, මෙරට ඉන්ධන බෙදාහැරීමේ ක්රියාවලිය විධිමත් කිරීම වෙනුවෙන් මෙම පියවර ගන්නා බවයි. QR කේත ක්රමය මඟින් පාරිභෝගිකයන්ට වඩාත් කාර්යක්ෂම සේවාවක් සැපයීමට බලාපොරොත්තු වන බවද අමාත්යවරයා මෙහිදී අවධාරණය කළේය.මීට අමතරව, වත්මන් ආර්ථික රටාව තුළ ශ්රී ලංකා රුපියල අවප්රමාණය වීම සම්බන්ධයෙන් සමාජයේ මතුව ඇති කතාබහ පිළිබඳවද ඇමතිවරයා මෙහිදී කරුණු පැහැදිලි කළේය. දේශීය මුදලේ අගය උච්චාවචනය වීමට බලපා ඇති මූල්යමය සාධක සහ එම තත්ත්වය පාලනය කිරීම සඳහා ඉදිරියේදී ගන්නා ක්රියාමාර්ග පිළිබඳව සභාගැබ දැනුවත් කිරීමටද අමාත්ය ආචාර්ය අනිල් ජයන්ත මහතා පියවර ගත්තේය.
ඉන්ධන QR පද්ධතිය දිගටම
