ගල්ෆ් කලාපීය රටවල නායකයින් කළ විශේෂ ඉල්ලීමකට අනුව, ඉරානය ඉලක්ක කර ගනිමින් අද දිනයේ දියත් කිරීමට සැලසුම් කර තිබූ යුද ප්රහාර තාවකාලිකව අත්හිටුවීමට පියවර ගත් බව ඇමෙරිකානු ජනාධිපති ඩොනල්ඩ් ට්රම්ප් ප්රකාශ කරයි. සිය නිල සමාජ මාධ්ය ජාලය වන ‘ටෲත් සෝෂල්’ (Truth Social) හි සටහනක් තබමින් ජනාධිපතිවරයා මේ බව තහවුරු කර ඇත. මේ වන විටත් දෙපාර්ශවය අතර රාජ්ය තාන්ත්රික මට්ටමේ සාකච්ඡා වට කිහිපයක් ආරම්භ වී ඇති බැවින්, හමුදා ක්රියාමාර්ග වෙනුවට සාමකාමී විසඳුමකට අවස්ථාව දීම මෙහි මූලික අරමුණ වී තිබේ.කටාර් රාජ්යය, සෞදි අරාබිය සහ එක්සත් අරාබි එමීර් රාජ්යය (UAE) යන රටවල රාජ්ය නායකයින් තමා අමතමින් මෙම ප්රහාරාත්මක සැලසුම නතර කරන ලෙස බලපෑම් සහගත ඉල්ලීමක් කළ බව ඇමෙරිකානු ජනාධිපතිවරයා අනාවරණය කළේය. එමෙන්ම ඉරානය සතුව මේ වන විට න්යෂ්ටික අවි නොමැති බවට එම ගල්ෆ් රාජ්යයන් සහතික වී ඇති අතර, දෙපාර්ශවයටම එකඟ විය හැකි සහ පිළිගත හැකි නව එකඟතාවයකට එළඹීමට ඔවුන් මැදිහත් වන බව ද ට්රම්ප් මහතා සඳහන් කර ඇත.කෙසේ වෙතත්, වත්මන් සාකච්ඡා මාර්ගයෙන් ඇමෙරිකාවේ ජාතික ආරක්ෂාවට ගැළපෙන ස්ථාවර ගිවිසුමකට එළඹීමට අපොහොසත් වුවහොත්, ඉරානයට එරෙහිව අත්හිටුවූ ප්රහාර නැවතත් දැඩිව ක්රියාත්මක කිරීමට කිසිසේත් පසුබට නොවන බවට ද ඇමෙරිකානු ජනාධිපතිවරයා අවසාන වශයෙන් අනතුරු ඇඟවීමක් කර තිබේ.
ගල්ෆ් කලාපයේ මැදිහත්වීමෙන් ඉරානයට එල්ල කිරීමට ගිය ඇමෙරිකානු ප්රහාරය නවතී!
