තඹුත්තේගම, නල්ලච්චිය ජලාශයේ වම් ඉවුරෙන් ජලය ගලා යන ඇල මාර්ගයේ තිබී පුද්ගල මළසිරුරු දෙකක් ඊයේ (18) රාත්රියේ පොලිසිය විසින් සොයාගනු ලැබීය. තඹුත්තේගම පොලිසියට ලැබුණු තොරතුරක් මත ක්රියාත්මක වූ විමර්ශන කණ්ඩායම් විසින් අදාළ ස්ථානය පරීක්ෂා කර මෙම මළ සිරුරු ගොඩට ගෙන ඇති අතර, ප්රදේශවාසීන් මෙම සිදුවීමෙන් දැඩි කම්පනයට පත්ව සිටිති.මෙලෙස අවාසනාවන්ත ලෙස ජීවිතක්ෂයට පත්ව ඇත්තේ අවුරුදු 19 සහ 30 යන වයස්වල පසුවන බැඳිවැව සහ තිඹිරිගස්කඩවල ප්රදේශවල පදිංචිකරුවන් දෙදෙනෙකි. මූලික විමර්ශනවලදී පොලිසිය සැක කරන්නේ මොවුන් දෙදෙනා දිය නෑම සඳහා ඇල මාර්ගයට බැස සිටි අවස්ථාවේදී මෙම අනතුරට මුහුණ දී ඇති බවයි.දැනට මෘත ශරීර පශ්චාත් මරණ පරීක්ෂණ කටයුතු සඳහා තඹුත්තේගම රෝහලේ මෘත ශරීරාගාරයේ තැන්පත් කර ඇත. සිද්ධිය සම්බන්ධයෙන් වැඩිදුර තොරතුරු අනාවරණය කර ගැනීම සඳහා තඹුත්තේගම පොලිසිය විසින් පුළුල් විමර්ශනයක් ආරම්භ කර ඇති අතර, ජලාශ සහ ඇළ වේලි ආශ්රිතව දිය නෑමේදී වඩාත් කල්පනාකාරී වන ලෙස බලධාරීන් මහජනතාවගෙන් ඉල්ලා සිටියි.
තඹුත්තේගම නල්ලච්චිය ජලාශයේ දිය නෑමට ගිය තරුණයින් දෙදෙනෙකු මරුට
