ශ්රී ලංකාවට ඊසාන දෙසින් නිර්මාණය වී ඇති අඩු පීඩන කලාපයේ බලපෑම හේතුවෙන් ඉදිරි පැය කිහිපයේදීත් දිවයිනේ බොහෝ ප්රදේශවලට වැසි සහිත කාලගුණයක් අපේක්ෂා කරන බව කාලගුණ විද්යා දෙපාර්තමේන්තුව පවසයි. ඒ අනුව බස්නාහිර, සබරගමුව, මධ්යම, වයඹ සහ උතුරු පළාත්වලට මෙන්ම ගාල්ල සහ මාතර දිස්ත්රික්කවලට ද විටින් විට වැසි හෝ ගිගුරුම් සහිත වැසි ඇති විය හැක. මීට අමතරව අනුරාධපුර දිස්ත්රික්කය සඳහා ද වැසි වාර කිහිපයක් ඇති විය හැකි බවට පුරෝකථනය කර ඇත.පවතින තත්ත්වය මත ඇතැම් ප්රදේශවලට මිලිමීටර් 75 ඉක්මවූ තද වැසි පතනයක් බලාපොරොත්තු විය හැකි අතර, දිවයිනේ සෙසු පළාත්වල පස්වරු 1.00 න් පසුව තැනින් තැන වැසි හෝ ගිගුරුම් සහිත වැසි වර්ධනය විය හැක. මේ හේතුවෙන් බොහෝ ප්රදේශවල අහස වලාකුළින් බරව පවතිනු ඇත.ගිගුරුම් සහිත වැසි ඇති වන අවස්ථාවලදී තාවකාලික තද සුළං සහ දරුණු අකුණු අනතුරු සිදුවීමේ අවදානමක් පවතින බැවින්, එමඟින් සිදුවන හානි අවම කර ගැනීමට අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටියි.
දිවයින පුරා පවතින වැසි බර කාලගුණය තවදුරටත්!
