පාර්ලිමේන්තු මන්ත්‍රී වෛද්‍ය රාමනාදන් අර්ච්චුනා මහතාගේ මන්ත්‍රී ධුරය බල රහිත කරන ලෙස ඉල්ලා ගොනු කර තිබෙන පෙත්සම වැඩිදුර විභාගය සඳහා එළැඹෙන දෙසැම්බර් මස 16 වැනි දින කැඳවීමට අභියාචනාධිකරණය නියෝග කර තිබේ. සමාජ ක්‍රියාකාරිකයෙකු වන ඕෂධ හේරත් විසින් මෙම නෛතික පියවර ගෙන ඇත.මෙම පෙත්සම අභියාචනාධිකරණය හමුවේ විභාගයට ගත් අවස්ථාවේදී ඉදිරිපත් වූ කරුණු සලකා බැලීමෙන් අනතුරුව, විනිසුරු මඬුල්ල විසින් නඩුව නැවත කැඳවන දිනය මෙලෙස ප්‍රකාශයට පත් කරන ලදී. ඒ අනුව, අදාළ පෙත්සම සම්බන්ධයෙන් ඉදිරි නීතිමය ක්‍රියාමාර්ග දෙසැම්බර් මාසයේදී ක්‍රියාත්මක වීමට නියමිතය.
පාර්ලිමේන්තු මන්ත්‍රී වෛද්‍ය රාමනාදන් අර්ච්චුනාගේ ධුරයට එරෙහි පෙත්සම දෙසැම්බර් 16 දක්වා කල් යයි
