මන්නාරම, තාල්වුපාඩු – තාරාපුරම් මාර්ගයේ තුර්කිසිටි ගම්මානය අසලදී සිදුවූ අවාසනාවන්ත රිය අනතුරකින් වයස අවුරුදු එකහමාරක කුඩා දැරියක් ජීවිතක්ෂයට පත්ව තිබේ. ඊයේ (18) පස්වරුවේ සිදුවූ මෙම අනතුරට හේතු වී ඇත්තේ බේකරි නිෂ්පාදන ප්රවාහනය කරමින් තිබූ ත්රීරෝද රථයක් කුඩා දැරියගේ ගැටීමයි.අනතුරින් බරපතළ තුවාල ලැබූ දැරිය වහාම මන්නාරම රෝහලට ඇතුළත් කිරීමට පියවර ගත්තද, ප්රතිකාර ලබමින් සිටියදී ඇය අවාසනාවන්ත ලෙස මෙලොව හැර ගොස් ඇත. මෙලෙස මියගොස් ඇත්තේ මන්නාරම, තාරාපුරම් ප්රදේශයේ පදිංචිව සිටි අවුරුදු 01 යි මාස 06 ක් වයසැති දැරියකි.සිද්ධිය සම්බන්ධයෙන් අදාළ ත්රීරෝද රථයේ රියදුරු මේ වන විට පොලිස් අත්අඩංගුවට ගෙන ඇති අතර, මන්නාරම පොලිසිය මඟින් මේ පිළිබඳ වැඩිදුර විමර්ශන කටයුතු සිදු කෙරේ. ජනාකීර්ණ ප්රදේශවල රිය ධාවනය කිරීමේදී මෙන්ම කුඩා දරුවන් පිළිබඳ අවධානය යොමු කිරීමේ වැදගත්කම මෙම සිදුවීමෙන් නැවතත් අවධාරණය කෙරේ.
මන්නාරමේදී ත්රීරෝද රථයක ගැටී සිඟිති දැරියක් මියයයි
