ඉදිරියේදී යෙදෙන හජ්ජි උත්සවය සහ වෙසක් උත්සවය නිමිත්තෙන්, බන්ධනාගාරගත රැඳවියන් හමුවීමට ඔවුන්ගේ ඥාතීන්ට විශේෂ අවස්ථාවක් ලබා දීමට බන්ධනාගාර දෙපාර්තමේන්තුව තීරණය කර තිබේ. ඒ අනුව, 2026 මැයි මස 28 සහ 30 යන දිනයන්හිදී දිවයිනේ සියලුම බන්ධනාගාර ආයතන තුළ මෙම වැඩසටහන ක්රියාත්මක වේ.මෙම විශේෂ අවස්ථාවේදී අමුත්තන්ට රැඳවියන් සඳහා ආහාර සහ රසකැවිලි රැගෙන ඒමට අවසර හිමිවන අතර, එම ද්රව්ය එක් රැඳවියෙකුට පමණක් ප්රමාණවත් වන පරිදි සීමා කළ යුතු වේ. එමෙන්ම, අමුත්තන් හමුවීමේදී පවතින බන්ධනාගාර නීතිරීති සහ සෞඛ්ය මාර්ගෝපදේශ දැඩි ලෙස පිළිපැදීම අනිවාර්ය වේ.සියලුම බන්ධනාගාර ආයතනවල මෙම කටයුතු සිදු කෙරෙන්නේ සෞඛ්යාරක්ෂිත පියවරයන්ට මුල්තැන දෙමිනි. රැඳවියන් සහ ඔවුන්ගේ පවුල්වල සාමාජිකයන් අතර ඇති මෙම සබඳතාව ශක්තිමත් කිරීම සඳහා දෙපාර්තමේන්තුව විසින් පියවර ගෙන ඇති අතර, ඒ සඳහා පැමිණෙන ඥාතීන් බන්ධනාගාර පරිපාලනයේ උපදෙස් නිසි පරිදි අනුගමනය කළ යුතුය.
හජ්ජි හා වෙසක් උත්සව වෙනුවෙන් රැඳවියන්ට විශේෂ අමුත්තන් බැලීමේ අවස්ථාවක්
