2026 පාපන්දු ලෝක කුසලාන තරගාවලියේ වැඩිම ගෝල ලාභියා බවට පත්වෙමින්, ලෝක කුසලාන ඉතිහාසයේ Golden Boot (රන් සපත්තුව) සම්මානය පිට පිට දෙවතාවක් දිනාගත් ලොව පළමු ක්රීඩකයා බවට පත්වීමට ප්රංශයේ Kylian Mbappe සමත් විය. මෙම තරගාවලියේදී තරග 8කට ක්රීඩා කරමින් ගෝල 10ක් වාර්තා කළ ම්බාපේ, ලියෝනල් මෙසී සමඟ පැවැති තියුණු සටනකින් පසුව මෙම සුවිශේෂී ජයග්රහණය තහවුරු කරගත්තේය. ඔහු මීට පෙර 2022 කටාර් ලෝක කුසලානයේදී ද ගෝල 8ක් ලබාගනිමින් රන් සපත්තුව හිමිකරගෙන තිබුණි.දැනට 27 වැනි වියෙහි පසුවන ම්බාපේ, 1970 වසරේදී බටහිර ජර්මනියේ ගර්ඩ් මුලර් තැබූ වාර්තාවෙන් පසුව තනි ලෝක කුසලාන තරගාවලියකදී ගෝල 10 සීමාව පසුකළ පළමු ක්රීඩකයා ලෙස ද ඉතිහාසයට එක්වේ. ලෝක කුසලාන ඉතිහාසයේ තනි තරගාවලියකදී ම්බාපේට වඩා වැඩි ගෝල සංඛ්යාවක් ලබාගෙන ඇත්තේ 1958 දී ගෝල 13ක් රැස්කළ ප්රංශයේ ජස්ට් ෆොන්ටේන් සහ 1954 දී ගෝල 11ක් රැස්කළ හංගේරියාවේ සැන්ඩෝර් කොචිස් පමණි.මෙම අතිවිශිෂ්ට දක්ෂතාවත් සමඟ සමස්ත පිරිමි ලෝක කුසලාන ඉතිහාසයේ වැඩිම ගෝල ලාභියා වීමේ වාර්තාව ද ම්බාපේ සතු කරගෙන ඇත. ඔහු මේ වන විට සමස්ත ලෝක කුසලාන තරගාවලිවලදී ගෝල 22ක් ලබාගෙන ඇති අතර, එය ලියෝනල් මෙසී ලබාගෙන ඇති ගෝල සංඛ්යාවට වඩා එක් ගෝලයක් ඉදිරියෙන් සිටීමකි.
Kylian Mbappe පිට පිටම දෙවැනි වරටත් ලෝක කුසලාන රන් සපත්තුව දිනාගනී
